“Bulvar Hotel”də Caspian European klubun təşkilatçılığı ilə səhiyyə forumu keçirilib.

AZƏRTAC xəbər verir ki, forumda səhiyyə nazirinin müavini Elsevər Ağayev jurnalistlərin bir sıra suallarına cavab verib. Nazir müavini ötən həftə Prezident İlham Əliyevin Fərmanı ilə gözün buynuz qişasının ölkəyə idxal olunması barədə suallara cavabında deyib: "Oftalmoloqların qaldırdığı bu məsələyə Milli Məclisdə baxıldı və dövlət başçısı da buna müsbət qərar verdi. Yəqin ki, indi mütəxəssislər məsəlini araşdırıb bu sahədə əməkdaşlıq üçün daha sərfəli ölkəni müəyyən edəcəklər. Əsas məsələ odur ki, gözün buynuz qişası da dövriyyəsinə nəzarət edilən xammalların siyahısına daxil edildi" .

Brifinqdə psixotrop maddələrin satışı, əczaçılıq fəaliyyəti və digər məsələlərə aid suallara da cavablar verilib.