Ağcabədi Rayon Mərkəzi Xəstəxanasında keçirilən könüllü qanvermə aksiyasında 150 nəfər qan verib.
AZƏRTAC xəbər verir ki, Səhiyyə Nazirliyinin təşkilatçılığı ilə reallaşan aksiyada rayon sakinləri fəal iştirak ediblər. B.Eyvazov adına Elmi-Tədqiqat Hematologiya və Transfiziologiya İnstitutunun əməkdaşları tərəfindən toplanan qan müayinədən keçdikdən sonra hemofiliyalı və talassemiyalı, həmçinin qana ehtiyacı olan digər xəstələrin müalicəsində istifadə olunacaq.