Cari ilin axırlarına qədər neftin bir barrelinin qiyməti 80 dollardan aşağı olacaq.

AZƏRTAC xəbər verir ki, bu barədə Rusiyanın ən böyük neft istehsalçısı olan “Rosneft”in idarə heyətinin sədri İqor Seçin “Rossiya-1” telekanalına verdiyi müsahibədə deyib.

İ.Seçin bildirib ki, “Rosneft”in builki büdcəsində neftin orta qiyməti 63 dollar/barrel nəzərdə tutulub: “Hazırda neftin qiyməti 75 dollar/barrel civarındadır. Neftin bir barrelinin qiyməti bu ilin sonunadək 75-80 dollar arasında dəyişəcək”.

Rusiyanın İqtisadi İnkişaf Nazirliyi 2018-2024-cü illərdə neft qiymətinin tədricən azalacağını proqnozlaşdırır.