Çin Xalq Respublikasının Tiencin şəhərində Dünya İqtisadi Forumunun illik Asiya sammiti işə başlayıb.
AZƏRTAC xəbər verir ki, “Yay Davosu” adlandırılan sammitdə 110 ölkədən 2000-ə yaxın nümayəndə, o cümlədən hökumət rəsmiləri, regional təşkilatların və iri şirkətlərin rəhbərləri, vətəndaş cəmiyyətinin təmsilçiləri, iş adamları iştirak edirlər.
Sentyabrın 20-dək davam edəcək iclasın gedişində dünyanı əhatə edən aktual mövzular diqqət mərkəzində olacaq.
Azərbaycanı “Yay Davosu”nda xarici işlər naziri Elmar Məmmədyarovun başçılığı ilə nümayəndə heyəti təmsil edir.
