Kolumbiyanın “Ecopetrol” dövlət neft şirkəti Kano Limon boru xəttində baş verən silahlı hücumdan sonra baş verən neft sızmasından yaranan çirklənmənin qarşısını almağa başlayıb.
Şirkətin verdiyi məlumata görə, partlayışın baş verdiyi boru xəttinin yerləşdiyi “Kano Limon” yatağı “Occidental Petroleum” şirkəti tərəfindən idarə olunur və 76 illik boru xəttində bu günə qədər hasilatın aparılmasında heç bir problem aşkar olunmamışdı. Baş verən silahlı basqın zamanı boru xətti işlək vəziyyətdə olmamasına baxmayaraq, hadisə nəticəsində bir qədər neft sızaraq Boyaka əyalətində yerləşən La Blanquita adlı əraziyə axıb.
“Iki sahil” reuters.com saytına istinadən xəbər verir ki, sözügedən boru xətti 780 km idi və onun vasitəsilə gündəlik 210000 barrel neft daşınırdı. Amma bu ildən boru xəttində baş verən silahlı hücmlar və digər qeyri-qanuni əməliyyatlara görə boru xətti bağlanmışdı. Şirkət baş verən bu cür cinayət hadisələrinə görə məsuliyyət daşımadığını bəyan edib.