Malinin şimalında eyni gündə iki qayığın batması nəticəsində ən azı 26 nəfər həlak olub.
AZƏRTAC xəbər verir ki, RİA Novosti informasiya agentliyinin yaydığı məlumata görə, hər iki qəza oktyabrın 15-də baş verib. Qəza zamanı qayıqlarda ümumilikdə 48 nəfər olub. Onlar Tombuku əyalətindəki yarmarkaya gedirmiş.
Rəsmi məlumata əsasən, indiyə qədər cəsədlərdən 22-ni sudan çıxarmaq mümkün olub.
İnsidentlə bağlı təhqiqat aparılır.