Neft istehsalının azaldılması Rusiya iqtisadiyyatına mənfi təsir edəcək.

AZƏRTAC xəbər verir ki, bu barədə Rusiya Mərkəzi Bankı məlumat yayıb.

Bildirilir ki, Neft İxrac edən Ölkələr Təşkilatına (OPEC) üzv və qeyri-OPEC ölkələrlə əldə edilən neft hasilatının azaldılmasına dair razılıq 2018-ci ildə Rusiya iqtisadiyyatına mənfi təsir göstərəcək.

“OPEC-lə əldə edilən razılıq xarici ölkələrdən təbii qaz tələbatın azalmasına gətirib çıxaracaq, bu da Rusiyada istehsalın aşağı düşməsinə səbəb olacaq. Bunun ümumilikdə Rusiya iqtisadiyyata mənfi təsir göstərəcəyi proqnozlaşdırılır”, - deyə bank bildirib.

Qeyd edək ki, OPEC ölkələri və başda Rusiya olmaqla digər istehsalçı dövlətlər neftin qiymətinin düşməsindən sonra hasilatı məhdudlaşdırmağa qərar veriblər. Rusiya 2016-cı ilin oktyabrından etibarən gündəlik 11 milyon barreldən çox olan neft hasilatını sutkalıq 300 min barrel azaltmağa başlayıb.