Milli Məclisin (MM) Səhiyyə komitəsinin bu ilin yaz sessiyası üçün qanunverici işlər planı məlum olub.

Bu barədə Səhiyyə Komitəsinin bu gün keçirilən iclasında komitə sədri Əhliman Əmiraslanov məlumat verib.Komitə sədri bildirib ki, buraya əsasən, Azərbaycan Prezidentinin qanunvericilik təşəbbüsü qaydasında MM-ə təqdim etydiyi qanun layihələri daxildir.

Bundan başqa, komitədə hazırlanan qanun layihələri-“Psixoloji yardım haqqında” və “Reproduktiv sağlamlıq haqqında” qanun layihələri müzakirəyə çıxarılacaq.

“İnsan orqan və (və ya) toxumalarının transplanmtasiyası haqqında” qanun layihəsinə dəyişikliklərlə, “Unun icbari zənginləşdirilməsi haqqında”, “Optika və optikaçılıq haqqında” və “Azərbaycan Respublikasında vərəmlə mübarizə haqqında” qanun layihələri ilə bağlı, o cümlədən Autizm xəstələrinə tibbi-sosial dəstəyin göstərilməsi ilə bağlı dinləmələrin keçirilməsi nəzərdə tutulur.