Ötən il gömrük orqanlarından şikayətlərin sayında 1600 azalma olub.
AZƏRTAC xəbər verir ki, bu barədə yanvarın 19-da Dövlət Gömrük Komitəsinin sədri Aydın Əliyev 2017-ci ilin yekunlarına həsr olunan mətbuat konfransında deyib.
O bildirilib ki, 2015-ci ildə gömrük orqanları barədə 2500 şikayət daxil olubsa, 2016-cı ildə bu rəqəm 2300-dən bir az çox olub. Ötən il isə şikayətlərin sayında 1600 azalma olub və şikayətlərin sayı 700-dən aşağı olub.
A.Əliyev qeyd edib ki, şikayətlərin 95 faizi fiziki şəxslər tərəfindən daxil olub. Şikayətlər gömrük sərhədindən keçərkən aksiz mallarla bağlı olub.
