Bakı Şəhəri üzrə Təhsil İdarəsi (BŞTİ) könüllü əsaslarla işləmək arzusunda olan gəncləri əməkdaşlığa dəvət edir.
BŞTİ-dən bildiriblər ki, könüllü kimi fəaliyyət göstərmək istəyənlər idarənin müxtəlif sektorlarında və xidmət bölmələrində üç ay təcrübə keçmək imkanı qazanacaqlar.
İntizamlı, xoşrəftar, kollektivdə çalışmaq istəyi olan, kompüterdə işləməyi bacaran, xarici dil biliklərinə malik, ali təhsilli və ya təhsil müəssisələrinin son kursunda oxuyan gənclər könüllü fəaliyyət göstərmək üçün müraciət edə bilərlər.
Maraqlananlardan tərcümeyi-hallarını oktyabrın 20-dək [email protected] elektron poçtuna göndərmələri və aşağıdakı sektorlara uyğun ixtisaslar üzrə müraciət etmələri xahiş olunur:
Ümumi təhsil sektoru
İnsan resursları sektoru
İnformasiya təminatı sektoru
İnkişaf layihələri sektoru
Maliyyə və mühasibatlıq sektoru; xidmət bölmələri
Məktəbdənkənar fəaliyyətin təşkili sektoru
İctimaiyyətlə əlaqələr sektoru
Hüquq sektoru
Təminat və təchizat sektoru
Ümumi sektor
Təlimə Dəstək Mərkəzi
Qeyd edək ki, üç ay müddətində könüllü kimi uğurla fəaliyyət göstərən gənclərə BŞTİ tərəfindən arayış veriləcək.
Əlaqə telefonu: (012) 599-12-22 (daxili: 6111, 6114).