“Türkiyə bu günə qədər həyata keçirdiyi əməliyyatlarda özü ilə heç bir yerə zülm, qan, göz yaşı aparmayıb”.

AzVision.az “Anadolu” agentliyinə istinadən xəbər verir ki, bunu Türkiyə prezidentinin mətbuat katibi İbrahim Kalın deyib. Ərdoğanın sözçüsü qeyd edib ki, “Zeytun budağı” əməliyyatı planlaşdırılan şəkildə uğurla davam etdirilir:  “Azad Suriya Ordusuna dəstək verən Türkiyə Silahlı Qüvvələrinin hərbçiləri Afrində müəyyən edilən terror təşkilatına aid hədəfləri məhv edərək təhlükəsiz bir şəkildə irəli gedir. Terror qruplaşması bölgədən tamamilə təmizlənənə kimi, ölkəmizdə yaşayan 3,5 milyona yaxın suriyalı qaçqın öz evlərinə qayıdana kimi əməliyyatlar davam etdiriləcək”.