Siz aldığınız geyimləri yuyursunuzmu? Çoxları bunun haqqında heç düşünməyib! Hesab edirik ki, bu məqaləmizi oxuduqdan sonra  aldığınız geyimi  yumamış geyinməyəcəksiniz.

Nyu-Yorkda Kolumbiya Universitetinin dermatologiya kafedrasının professoru Donald Belsito istənilən geyimi aldıqdan sonra yumağı və iki dəfə yaxalamağı tövsiyə edib. O, həmçinin xəbərdarlıq edib ki, mağazada paltarı geyinib yoxlayan digər müştərilərin bədənlərində hər hansı zəhərli parazitlər ola bilər. Aparılan eksperimentlərdə mikrobioloqlar üç növ geyimdən istifadə ediblər. Müxtəlif mağazalardan alınan şalvar, köynək və alt paltarlarında müxtəlif bakteriyalar aşkar edilib.

Təəssüf ki, qanun istehsalçılara məhsullarda hansı kimyəvi maddələrin istifadə edildiyinə dair məlumatın yarlıqlarda qeyd olunmasına icazə vermir.

Məlumata əsasən bildirilir ki, Yeni Zelandiyada mütəxəssislərin apardığı tədqiqatlar göstərib ki, Çin geyimlərində təhlükəsizlik  normalarına cavab verməyən 900-dən çox allergik maddə aşkar olunub. Professor və dermatoloq Belsitonun sözlərinə görə, çin məhsullarında əsas təhlükə mənbəyi formaldehid qatrandır. Qaz halında olan rəngsiz maddə qırışların yaranmaması və kif inkişafının qarşısının alınması üçün bir sıra geyimlərə tətbiq edilir. Formaldehid qatran dəri və allergik reaksiyalar yaradır, bəzi tədqiqatçılar isə belə hesab edirlər ki, o, xərçəng xəstəliyinin də inkişafı riskini artırır.

Boya maddələri də az təhlükəli deyi

l. Azoanilin boya maddələri ilə işlənmiş bir çox sintetik parçalar dəridə ağır reaksiya yarada bilər. Ona görə də mütəxəssislər həssas dəri tipinə sahib olanlara aldığı təzə paltarları geyinməzdən əvvəl yumağı tövsiyə edir.

Məlumat üçün bildirək ki, allergiya bir qayda olaraq, daha çox tərləyən yerlərdə - bel, boyun, diz altı, həmçinin qoltuqların ətrafında özünü daha çox göstərir.

Konül Əliyeva, “İki sahil”