Bukinqam sarayının sözcüsünün verdiyi məlumata görə,  Kraliça II Elizabet və Edinburq hersoqu  şəhzadə Filip  COVID-19 əleyhinə vaksinasiya ediliblər.

Saraydan verilən  məlumata görə, peyvənd Windsor qəsrində saray həkimi tərəfindən  vurulub. Yayılan qeyri –rəsmi  xəbərlərin qarşısını almaq məqsədi ilə  94 yaşlı kraliça özünün  və yoldaşının  vaksinasiya olduğunu ictimaiyyətə elan edib .

Qeyd edək ki,  şəhzadə Filip 99 yaşındadır.

Cütlüyün oğlu şəhzadə Çarlzda  mart ayında aparılan testin nəticəsi pozitiv çıxmışdı və şəhzadə izolyasiya olunmuşdur. 72 yaşlı Çarlz xəstəliyi yüngül simptomlarla keçirdiyini və çıxışında xəstəlikdən kifayət qədər asan qurtulduğunu bildirmişdi.

Onu da qeyd edək ki, onların nəvəsi  şəhzadə Viliamda da Covid testi pozitiv çıxmışdı.

Con Hopkins Universitetindən  şənbə günü verilən  məlumata görə, İngiltərədə 3 milyondan çox insanın  COVID-19 testi pozitiv çıxıb  və  virusdan 80 mindən çox ölüm hadisəsi qeydə alınıb.

İngiltərədə ən çox ölüm  cümə günü qeydə alınıb . Belə ki, koronavirusdan 1325 nəfər həyatını itirib.

Londonun meri Sadiq Xan virusun nəzarətdən çıxdığını və vəziyyətin kritik olduğunu bildirib.

edition.cnn.com saytının materialları əsasında hazırladı:

Leyla Şıxəli Bayramlı, “ İki sahil”