Azərbaycan Dövlət İqtisad Universitetində (UNEC) Xocalı soyqırımının 29-cu ildönümünə həsr olunan virtual sərgi keçirilir.

Bu barədə "İki sahil"ə UNEC-dən məlumat verilib.

Bildirilib ki, UNEC Kitabxana-İnformasiya Mərkəzinin təşkil etdiyi virtual sərgidə 1992-ci il fevralın 26-da erməni vandalları tərəfindən törədilmiş Xocalı soyqırımına həsr olunan kitablar nümayiş olunur. Sərgidə Xocalı soyqırımının tarixi, qurbanları, şəhidləri və şahidləri barədə həqiqətləri əks etdirən kitablar oxuculara təqdim olunub.