Türkiyənin Konya şəhərində klassik bir avtomobil həvəskarı olan 60 yaşlı Mevlüt Öcal oğlu kimi gördüyü “Anadol” markalı avtomobilinə gözü kimi baxır.

“İki sahil” xəbər verir ki, ibtidai məktəbdən bu yana sənayedə maşın boyamaq ilə məşğul olan Öcal uşaqlıq illərində baxdığı klassik avtomobillərə maraq göstərməyə başlayıb. Bu artan maraqla Öcal sonrakı illərdə 7 fərqli Amerika modeli klassik avtomobilin sahibi olub.

AA agentliyinə verdiyi açıqlamada Öcal Amerika modelindən sonra aldığı və 8 ildir istifadə etdiyi "Anadol"a diqqətlə baxdığını və klassik avtomobil həvəskarı olaraq bu maşın ilə xüsusi maraqlandığını söyləyib. Amerika modeli klassik avtomobillər üzərində çox çalışdığını ifadə edən Öcal "Bunlar mənim içimdəki hobbidir, köhnə avtomobillərə böyük marağım var. Digər klassik maşınlardan sonra “Anadol”a üz tutdum. Maşınımda çürümə yoxdur, ustalara çox aparmıram. Çatlar, kiçik qırıqlar varsa, yapışdırılaraq həll olunur. “Anadol” ayrı bir sevgi halına gəlib. 8 ildir məndədir" deyib.

Avtomobilinin boyasının orijinal rəng olduğunu ifadə edən Öcal belə davam edib: "Onu aldığımda mühərrik sıradan çıxmışdı, bütün mühərriki yenidən yığdım. Rəssam olduğum üçün lazım olan kiçik boya işlərini həll etdim. Keçən il yanları örtdüm. Əvvəlcədən hobbimin olduğu üçün aksesuarlarla birlikdə avtomobilimə bir görünüş verdim. Çatışmayan hissələri orijinalını tapıb yığdım. Maşına minərkən zövq verir, insanlar da bundan ləzzət alırlar. Maşının şəkilini çəkənlər də olur. 5 övladım var və altıncını “Anadolu” sayıram. Ümid edirəm ki, ölənə qədər bu maşına minəcəyəm."

Öcal yeni model nəqliyyat vasitələri sürmək istəmədiyini və klassik avtomobilləri daha çox sevdiyini vurğulayıb. İnsanların maşınına göstərdiyi maraqdan məmnun olduğunu deyən Öcal bunları söyləyib: "İşıqforlarda dayandığım zaman hər kəs dönüb "mashallah" deyir. Satma, “gözəldir” deyənlər var. Almaq istəyənlər də var, amma mən satmıram. Uşaqlar klassik maşınlar da aldılar, amma minmədim. Aldıqlarını həmişə satdırmışam. Heç bir maşın haqqında düşünmürəm. Bu maşını sürərkən zövq verir. İnsanların baxışları xoşuma gəlir. Tanışlar toylarında gəlin maşını kimi istifadə etmək istəyirlər. Bunlar xatirələr olaraq qalır, ayrı bir xoşbəxtlik verir. Dənizkənarı ərazilərə tətilə gedəndə insanlar maşınıma baxanda bu çox xoşuma gəlir. Avtomobilim insanların diqqətini çəkir. Mevlüt Öcal 1967-ci ilin fevralında istismara verilən “Anadol” avtomobilini qürurla idarə etdiyini sözlərinə əlavə edib.

 Vüsal Cahanov, “İki sahil”