Elektrotexnikada inkişaf daha da kiçik tibbi implantlar yaratmağa imkan verir. Bu o deməkdir ki, müxtəlif xəstəliklərin diaqnozu və müalicəsi üçün elm adamları üçün yeni üfüqlər açılır.

İmplant nə qədər kiçikdirsə, onu bədənin içinə yerləşdirmək daha asan və daşımaq daha rahatdır. Birbaşa qan damarlarına daxil olan kiçik implantlardan rəng dəyişdirən nanohissəciklərdən hazırlanan döymələrə qədər müasir texnologiyalar hər gün sözün əsl mənasında inanılmaz tibbi yeniliklər təklif edir.

Bu gün implantasiya edilə bilən elektronikanın ümumi bir çatışmazlığı var və hələ də bir çox əlavə avadanlıq tələb edirlər. Çox sayda çip, qablaşdırma, məftillər, xarici çeviricilər və batareyalar implantın rahatlığına mane olur.

Kolumbia Universitetinin mühəndisləri qarşısına iddialı bir hədəf qoyublar: mümkün qədər çox funksiyanı tək bir çipə yerləşdirmək və onu mikroskopik etmək. Ən təəccüblüsü odur ki, onlar buna nail olublar.

Tədqiqatçılar, ümumi həcmi 0,1 mm3-dən az olan dünyanın ən kiçik mikroçipini (daha doğrusu, çip üzərində bütün sistem) yaratdıqlarını iddia edirlər. Bu o deməkdir ki, onu yalnız mikroskop altında görmək olar.

Tədqiqatçılar cihazla simsiz əlaqə qurmaq və onu yenidən doldurmaq üçün ultrasəs dalğalardan istifadə ediblər.

Yeni mikroçip istilik sensoru ilə təchiz olunmuşdur. Bu cihazın imkanları canlı laboratoriya siçanlarında artıq nümayiş etdirilib. Çip yeddi mikrosxem əzələdaxili inyeksiya ilə bədənə yeridilə bilər və ultrasəs istifadə edərək oxunur.

"İşləyən bir mikroçipin nə qədər kiçik ola biləcəyini görmək istədik. Bu, özü tamamilə sərbəst işləyən elektron sistemə malik bir çipdir. Klinik istifadə və nəticədə insanlarda istifadə üçün təsdiq qazanması ilə bağlı müraciət etmişik”,-deyə Kolumbiya Universitetinin Mühəndislik və Tətbiqi Elmlər Fakültəsinin professor və layihənin müəllifi Ken Şepard bildirib.

Tədqiqat nəticələri “Science Advances”da dərc edilmişdir.

Nubar Süleymanova, “İki sahil”