Qadınları daim düşündürən əsas mövzulardan  biri gözəlliklərini necə qorumaqdır. Əslində bunun bir neçə yolları var. Lakin sizlərə  ən çox istifadə olunan üsulları təqdim edirik.

Limon

Gözəl antiseptik kimi tanınan limonu qoltuğaltına çəksəniz, o zaman  əsla tərləməzsəniz. Suyu sıxılmış limonu dirsəklərinizə sürtüb, 5 dəqiqə masaj etdikdən sonra həmin yeri  zeytun yağı ilə  masaj edin.  O, zaman dirsəkləriniz daha yumşaq olacaq.

Dəniz duzu

Bir az dəniz duzu ilə şəkəri qarışdırıb bədənizin səpgili olan nahiyələrini həmin qarışım ilə masaj etsəniz çox xeyirli olduğunu görəcəksiniz. Dəniz duzu bədəninizə rahatlıq,dərinizə  isə parlaqlıq gətirən vasitələrdəndir.

Sirkə

Alma və limon sirkəsi ilə bədəninizi yaxalasanız dəriniz çox yumşaq və hamar olacaq. Əgər sirkədən üzünüzə istifadə etsəniz parlaq cildə sahib olacaqsınız. Qeyd edək ki, sirkə həmçinin   üzdə olan ləkələri aparır .Sirkədən saçınıza istifadə etsəniz daha möhkəm və tökülməyən saçlara sahib olacaqsınız. Topuqlarınızı daban daşıyla 1-2 dəqiqə ovun və sonra zeytun yağı çəkin.Topuqlarınız təmiz və daha hamar olacaq .

Qoz yarpağı

Qəribə səslənsədə dişləri qoz yarpağı ilə sürtmək məsləhətlidir. Bu üsulla daha təmiz,ağarmış dişlərə sahib olacaqsınız. Qoz yarpağı, həmçinin  diş ətinə,həm də damağa xeyirlidir.

Dəmlənmiş çay

Saçlarınızı dəmlənmiş çayla yaxalasanız onlar daha parlaq və gur olacaq. Gözlərinizin yorğunluğundan və ya şişkinliyindən azad olmaq üçün mütləq dəmlənmiş çaydan istifadə etməyiniz məsləhətlidir.

Samirə Tağıyeva, "İki sahil"