Bakıda 72 yaşlı qocanı avtomobil vurub.
“İki sahil” xəbər verir ki, hadisə Binəqədi rayonunda qeydə alınıb.
Avtomobil yolu keçən 1950-ci il təvəllüdlü Şıxəliyev Eyyub Ağaməmməd oğlunu vurub. Yaralı təcili tibbi yardımın köməkliyi ilə xəstəxanaya çatdırılıb.
Müayinə zamanı ona döş qəfəsinin küt travması və bədənin müxtəlif dərəcəli əzikləri diaqnozları qoyulub. Hadisənin təfərrüatı araşdırılır.
