“Omicron” ştammı ilə yoluxma zamanı öskürək adətən sinədən deyil, boğazdan olur.

“İki sahil” xəbər verir ki, bu barədə immunoloq Aleksandr Palman bildirib.

Onun sözlərinə görə, “omicron” KRVİ və ya qrip əlamətləri ilə xarakterizə olunur. Palman qeyd edib ki, COVID-19-un bu ştammı ilə yoluxmanın ağciyər zədələnmələri müşayiət olunma ehtimalı azdır, olsa da daha yüngül dərəcədədir.

“Əlbəttə, “omicron”a yoluxmada öskürək ola bilər. Amma daha tez-tez boğaz ağrısı şikayətlərini eşidirəm. Yəni öskürək ağciyərdən deyil, boğazdan ola bilər”, - deyə həkim bildirib.

Pulmonoloq vurğulayıb ki, “omicron”la yoluxduqda xəstəliyin daha yüngül gedişi, zamanla koronavirusun ümumi respirator virus infeksiyasına çevriləcəyinə ümid verir.