İyirminci əsrin ən dəhşətli faciəsi olan   Xocalı soyqırımından 30 il  ötür. Xocalı soyqırımının otuzuncu ildönümü haqqında Azərbaycan Respublikası Prezidentinin Sərəncamına, Lerik Rayon Heydər Əliyev Mərkəzinin və Lerik Rayon Təhsil Şöbəsinin birgə tədbirlər planına uyğun olaraq “Xocalıya ədalət!” mövzusunda tarix dərsi keçirildi. Heydər Əliyev Mərkəzində baş tutan dərsdə şəhər 2 saylı tam orta məktəbin yuxarı sinif şagirdləri iştirakı edirdilər.

Tarix dərsini Mərkəzin elmi işçisi Bahar Mürsəliyeva tədris etdi. Dərs zamanı Azərbaycan xalqına qarşı ermənilərin törətdiyi  Xocalı soyqırımının antibəşəri mahiyyəti, faciənin miqyası, qəddarlığı və amansızlığı xüsusi olaraq şagirdlərin diqqətinə çatdırıldı.  O da qeyd edildi ki, 44 günlük  İkinci Qarabağ müharibəsində 30 ilə yaxın işğal altında olan  Vətən torpaqları  geri qaytarıldı.  Tarix yazan Azərbaycan ordusu tərəfindən məhv edilən düşmən qüvvələri içərisində Xocalı soyqırımının cəlladları da vardı. Bununla  rəşadətli ordumuz bu faciənin  günahsız qurbanlarının qisasını aldı.

Azərbaycanın hər yerində olduğu kimi, dağlar diyarı  Lerikdə də  belə dərslərin təşkilində  məqsəd bütövlükdə Azərbaycan xalqına qarşı yönəldilmiş tarixi faciəni gənc nəslə çatdırmaq, onlarda vətənpərvərlik hissini gücləndirməkdir.

Zəfər Orucoğlu,
Azərbaycan Jurnalistlər Birliyinin üzvü