Düz  30 il bundan əvvəl ölkəmizdə iyirminci əsrin ən qanlı faciəsi baş verdi. 1992-ci il fevralın 25-dən 26-na  keçən gecə  erməni vandalları  Xocalıda Azərbaycanın dinc əhalisinə qarşı soyqırımı törətdilər.  Qan yaddaşımıza  əbədi həkk olunmuş bu  amansız soyqırımın hər il dönümü  gələndə  respublikamızda silsilə tədbirləri həyata keçirilir.  Bu ildə belə. Belə tədbirlərdən  biri də Lənkəran Regional Mədəniyyət İdarəsinin Təşkilatçılıq sayəsində  Lənkəran şəhər  Heydər Əliyev  Mərkəzində  baş tutdu.

 “Yarımçıq  xatirələr”  mövzusunda təşkil olunan tədbirdə Lənkəran Regional Mədəniyyət İdarəsinin rəisi Şahin Şahbazov, Heydər Əliyev Mərkəzinin əməkdaşları, Azərbaycan Vətən Müharibəsi Veteranları İctimai Birliyinin Lənkəran rayon şöbəsinin sədr müavini Saleh Dostiyev, Vətən Müharibəsinin qaziləri, eləcə   tələbələr iştirak edirdilər.

Tədbirə qatılanlar  birinci  Mərkəzin foyesində Xocalı və Qarabağ müharibəsi mövzusuna həsr olunmuş rəsm sərgisi ilə tanış olublar. Sonra  Azərbaycan Respublikasının Mədəniyyət Nazirliyinin sifarişi ilə çəkilən “Yarımçıq xatirələr” filminə  baxdılar. Film tamaşaçılar tərəfindən maraqla qarşilandı  və  onlar mövzu ətrafında öz təəssüratlarını bölüşdülər.

Zəfər Orucoğlu,
Azərbaycan Jurnalistlər Birliyinin üzvü