Lerik Rayon Heydər Əliyev Mərkəzində   erməni vandalların xalqımıza qarşı törədiyi Xocalı soyqırımının  30-cu ildönümünə  həsr olunan “Xocalı- tarixin qanlı səhifəsi” adlı  anım tədbiri keçirildi.  Tədbirdə  rayon mədəniyyət işçiləri iştirakı edirdilər.

Əvvəlcə  Xocalı faciəsi zamanı şəhid olanların əziz xatirəsi bir dəqiqəlik sükutla yad olundu. Tədbiri giriş sözü ilə Mərkəzin direktoru Hüsaməddin Abbasov açdı. O, qanlı faciə haqqında ətraflı məlumat verdi.

Daha sonra Lənkəran Regional Mədəniyyət İdarəsinin Lerik rayonu üzrə nümayəndəsi Müqəddəs Dənziyev, Lerik Mərkəzi Kitabxana Sisteminin direktoru Tərxan Feyziyev, Lerik Uzunömürlülər Muzeyinin direktoru Dilarə Fətullayeva çıxış edərək Azərbaycanın dinc və günahsız insanlarına qarşı törədilmiş  Xocalı  soyqırımını  bütün bəşəriyyətə, insanlığa qarşı cinayət olduğunu bildirdilər.

Tədbirdə "Xocalı nişanəsi" adlı qısametrajlı film nümayiş edildi.

Zəfər  Orucoğlu,
Azərbaycan Jurnalistlər Birliyinin  üzvü