İtib-batan əşyalar, küçələrdən yığılan tullantılar bu cür dilə gəldi. 

ATV Xəbər bildirir ki, Böyük Britaniyada  dünyanın ən qeyri-adi orkestrlarından biri insanların diqqətini cəlb edib. Bu orkestrda musiqi alətləri hər kəsin gündəlik həyatda tez-tez rast gəldiyi məişət əşyalarıdır.

Musiqi əsərləri ifa etmək üçün bahalı alətlər axtarışına çıxmayan  britaniyalı musiqiçilər əvəzində  itən və atılan əşyalardan istifadə edib.  Mişardan  kamança düzəldən ingilislər,  divanın altına simlər düzməklə ondan arfa yaradıb.

Hələ bunlar da son deyil.  Musiqiçilərin fərqli-fərqli notda  olan avtomobil siqnallarından istifadə edərək mahnı səsləndirməsi də fərqli ahəng yaradıb. Kimiləri də plastik boruları yerdə sürüməklə, su qablarına hava üfürməklə müşayiət edib.

Orkestrın həm-təsisçisi Stiv MakNikolas  köhnə hollivud filmlərində musiqilərdən həvəslənərək  bu cür fərqli alətlər hazırlamaqv fikrinə düşdüyünü bildirib. Britaniyalı musiqiçilər öz fərqli musiqi alətləri ilə dünya miqyasında konsert verməyə hazırlaşır.