14 may 2022 12:23
247

Aİ səfiri "Avroviziya-2022"nin finalında Azərbaycana uğurlar diləyib

Avropa İttifaqının (Aİ) Azərbaycandakı Nümayəndəliyinin rəhbəri Peter Mixalko "Avroviziya - 2022" mahnı müsabiqəsinin yarımfinalında iştirak edən azərbaycanlı təmsilçi Nadir Rüstəmilin müsabiqənin final mərhələsinə yüksəlməsi münasibətilə təbrik edib.

"İki sahil" xəbər verir ki, bu barədə P.Mixalko tviterdə paylaşım edib.

"Azərbaycanı və Nadir Rüstəmlini "Avroviziya - 2022"nin böyük finalına vəsiqə qazanması münasibətilə təbrik edirik. Bu axşam baş tutacaq yarışmada uğurlar diləyirik", səfir Mixalko qeyd edib.

Xatırladaq ki, mayın 12-də İtaliyanın Turin şəhərində "Avroviziya-2022" mahnı müsabiqəsinin ikinci yarımfinalı baş tutub. Azərbaycanı təmsil edən Nadir Rüstəmli 4-cü nömrə altında "Fade To Black" mahnısı ilə çıxış edib. Çıxışlar bitdikdən sonra səsvermə mərhələsində iştirakçılar arasında ən çox səs toplamış Azərbaycan və digər 9 ölkə 14 mayda keçiriləcək final mərhələsinə yüksəlib.