“YAŞAT” Fondunun və “ASAN Könüllüləri” Təşkilatının birgə təşkilatçılığı ilə şəhidlərimizin övladları üçün həyata keçirilən 2-ci “YAŞAT” düşərgəsinin 5-ci həftəsinə start verilib.

“İki sahil” xəbər verir ki, Fonddan verilən xəbərə görə, bu həftə düşərgəyə Bakı, Yevlax, Ağstafa, Tovuz, Gədəbəy, Zaqatala, Şabran, Tərtər, Beyləqan, Ağdam, Sabirabad, Bərdə, Biləsuvar, Füzuli, Şəki, Qax, Saatlıdan 12-14 yaş aralığında 46 uşaq qatılıb.

İlkin olaraq açılış mərasimi keçirilib, iştirakçılara düşərgənin proqramı barədə məlumat verilib.

Sonra uşaqlar arasında tanışlıq əlaqələrinin qurulması məqsədilə psixoloqlar tərəfindən qrup oyunları təşkil olunub.

Günə stolüstü idman oyunları ilə yekun vurulub.