Dünyanın ən qəribə balığının nəhəng nümunəsi Azor adalarında ölü tapıldıqdan sonra bütün rekordları alt-üst edib. Üç tonluq günəş balığı Portuqaliya sahillərində aşkar edilib və yeni araşdırmaya görə, indiyə qədər tapılan ən ağır sümüklü balıq olduğu müəyyən edilib.

Şimali Atlantikanın səthində əzəmətli günəş balığının cəsədi tapıldıqdan sonra yeni dünya rekordu müəyyən edilib. Yumru başlı günəş balığı kimi də tanınan nəhəng canlı, əslində demək olar ki, bir il əvvəl 2021-ci ilin dekabrında kəşf edilmişdi, lakin araşdırma yalnız indi təsdiqlənib.

Atlantik təbiətşünaslıq cəmiyyətinin qeyri-kommersiya mühafizəsi təşkilatının məlumatına görə, tədqiqatçılar cəsədi təhlil etməyə başlamazdan əvvəl araşdırılmaq üçün yerli sakinlər tərəfindən sahilə çıxarılıb.

Hesabatın təfərrüatları 11 oktyabr “Journal of Fish Biology” jurnalında dərc edilib. Nəhəng canlının təxminən 4 metr eni və 3,5 metr uzunluğunda quyruğu var idi. Onun çəkisi üç ton olduğu üçün insanları heyrətləndirib.

Yeni rekord qırdı

Balığın DNT analizi və mədə tərkibi üzərində əlavə tədqiqatlar aparılsa da, baş tədqiqatçı Jose Nuno Gomes Pereira tərəfindən "əzəmətli nümunə" kimi təsvir edilib. “Ginnesin Rekordlar Kitabı”na görə, 1996-cı ildə Yaponiya sahillərində tapılan və çəkisi 2300 kq-olan başqa bir günəş balığının rekordu, qəribə görünüşlü yırtıcının 3 ton ağırlığında olması ilə qırılıb.

Məşhur inancın əksinə olaraq, günəş balığı yan tərəfdən dairəyə bənzədiyi üçün belə adlandırılmır.

Bu nəhəng balıqlar okeanın dərinliklərinə uzun müddət daldıqdan sonra günəş şüaları almaq üçün suyun səthinə çıxırlar.

Qeyd edək ki, bu nəhəng canlıya dünya okeanlarında rast gəlinsə də, günəş balıqlarının dəqiq sayı məlum deyil.

Vüsal Cahanov, “İki sahil”