Azərbaycanda meyvə və giləmeyvə istehsalı artıb.

“İki sahil” xəbər verir ki, bu ilin yanvar-oktyabr aylarında 1 milyon 59 min ton meyvə və giləmeyvə istehsal olunub. Bu da ötən ilin müvafiq dövrü ilə müqayisədə 3,5 faiz çoxdur.

İstehsal olunan meyvə və giləmeyvənin 245 min 900 tonu xaricə ixrac olunub. İxrac olunan meyvənin ümumi dəyəri 300 milyon dollardan artıqdır. Yanvar-oktyabrda xarici bazarlara meyvə ixracında 1,4 faiz artım qeydə alınıb.