Ermənistanın Baş naziri Nikol Paşinyan ABŞ Dövlət Departamentinin Qafqaz danışıqları üzrə baş müşaviri Filip Rikerlə görüşüb.
“İki sahil” xəbər verir ki, bu barədə ABŞ-ın İrəvandakı səfirliyi məlumat yayıb.
Məlumatda deyilir ki, görüş zamanı Azərbaycan-Ermənistan münasibətlərinin normallaşdırılması, regional stabillik və təhlükəsizliyin təmin olunması üçün atılan addımlar müzakirə olunub.
Xatırladaq ki, Filip Riker bu gün İrəvana gedib və dekabrın 4-nə kimi orada rəsmi səfərdə olacaq. O, bundan əvvəl Azərbaycanda səfərdə olub.