Çinin cənubundakı Quançjou şəhərində bir nəfərin maşını piyadaların üzərinə sürməsi ölümlə nəticələnib.
“İki sahil” xəbər verir ki, Quançjou polisindən verilən açıqlamada, hadisə zamanı 5 nəfərin öldüyü, 13 nəfərin yaralandığı bildirilib.
Qəzadan sonra 22 yaşlı sürücünün nəzarətə alındığı və hadisə ilə bağlı istintaq başladıldığı deyilir.
Sürücünün qəsdən piyadaların arasına düşüb-düşmədiyi hələlik məlum olmasa da, qəza görüntülərində onun qəzadan sonra yoluna davam etdiyi görüntülənib.
