Bu ay futbolçu karyerasını başa vuran Məsut Özil "Roma"nın çalışdırıcısı Joze Mourinyonu 21-ci əsrin ən yaxşı məşqçisi adlandırıb.

“İki sahil” xəbər verir ki, o, "Marca"ya açıqlamasında deyib: “Mənim üçün Joze Mourinyo bu əsrin ən yaxşı məşqçisidir. Onun taktikanı başa düşməsi inanılmaz bir şeydir. Soyunub-geyinmə otağında onun ünsiyyət tərzi də var...

Həm də Mourinyo komandanı hər zaman mediadan qoruyur! O, həqiqətən dünya səviyyəli məşqçidir".

Qeyd edək ki, Mourinyo 2010-2013-cü illərdə "Real"da Özilin baş məşqçisi olub.