“Rusiya ilə Azərbaycan arasında möhkəm və sıx əməkdaşlıq Cənubi Qafqazda da sabitliyin əsas elementlərindən biridir”.

“İki sahil” xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.

Diplomat qeyd edib ki, Azərbaycan ilə Rusiya arasında müttəfiqlik qarşılıqlı fəaliyyəti haqqında bəyannamə imzalandıqdan sonra iki ölkə arasında münasibətlər keyfiyyətcə yeni səviyyədə inkişaf edir.

"Biz Azərbaycan Prezidenti İlham Əliyevin ikitərəfli münasibətlərin vəziyyətinə verdiyi yüksək qiyməti bölüşürük. Azərbaycan ilə Rusiya arasında müttəfiqlik qarşılıqlı fəaliyyəti haqqında bəyannamənin imzalanmasından sonra əlaqələrimiz keyfiyyətcə yeni müstəvidə inkişaf edir", - Zaxarova bildirib.