Bu adam bütün həyatını pələnglərin müdafiəsinə həsr edib. Amerikalı Pol Qoldştayn üzərində gəzdirdiyi pələng maketi ilə bütün dünyanı fırlanıb. Fərqli ölkələrdə beynəlxalq marafon yarışlarında iştirak edən  Pol  müsabiqələrə pələng maketi ilə birgə çıxmaqla  hər kəsin diqqətini bu yırtıcıların müdafiəsinə çəkməyə müvəffəq olub.

Onun  daşıdığı Benqal pələngi  libasının ağırlığı 15 kiloqrama yaxındır. Bu yükün altında  onlarla kilometr məsafəni qaçmaq asan olmasa da,  ətraf mühit tərəfdarı bu  məşəqqətə dözür. Getdiyi hər yerdə pələnglərə sərf olunmaq üçün müxtəlif  yardım kampaniyaları təşkil edən atlet, bu vaxtədək  bu yırtıcılar üçün  200 min dollarlıq fond yarada bilib.

İndi qarşıdan London marafonu gəlir.  24 apreldə keçiriləcək marafondada pələng libası ilə iştirak edəcəyini deyən Pol Qoldştayn  bu cür çətin yarışlarda əsəbindən sonadək mübarizə apardığını deyib. Dünyanın fərqli ölkələrində pələnglərin insanlar tərəfindən öldürülməsindən gileylənən fəal, dünya dövlətlərinin, sayı sürətlə azalan bu yırtıcıları qorumalı olduğunu deyir.