12 iyul 2019 15:51
293

46 yaşlı məşhur 29 yaşlı musiqiçiyə ərə getdi

46 yaşlı model, aparıcı və prodüser Haydi Klum 29 yaşlı sevgilisi Tom Kaulitç ilə evlənib.

Publika.az xarici mətbuata istinadən xəbər verir ki, cütlük münasibətlərini bir neçə ay əvvəl rəsmiləşdirsə də, onlar bunu mətbuatdan gizli saxlayıb. Mənbələrin verdiyi məlumata görə, cütlük fevralda rəsmi ər-arvad olub.

Məlum olub ki, “Tokio Hotel” rok qrupunun gitaristi ilə model nikahdan sonra romantik şam yeməyinə çıxıb, ancaq heç kim bilməyib ki, onlar toylarını qeyd ediblər.

Bu, Haydi Klumun 3-cü nikahıdır. Bundan əvvəl o, Rik Pipino və Sillə evli olub. Onun bu nikahlarından 4 övladı var.