"Fransa planetimizdə beynəlxalq hüquq və insan haqları sahəsində dərs verəcək son ölkədir".

“İki sahil” xəbər verir ki, bunu ƏIcəzairin Ali təhsil ve elmi tədqiqatlar nazirinin müşaviri Youcef Houri Bakıda "Neokolonializm: İnsan hüquqlarının pozulması və ədalətsizlik” mövzusunda keçirilən beynəlxalq konfransda deyib.

"Mən bir neçə soyqırımı barədə danışmaq istəyirəm. Məsələn, Fransa əlcəzairlilərə qarşı müxtəlif vaxtlarda soyqırımı törədib. Bu soyqırımılar 1945-1952-ci illərdə həyata keçirilib. Birincidə bütün insanları - uşaqları, yaşlıları, bir sözlə, hər kəsi həyatlarından məhrum etdilər. İkinci soyqırımı Əlcəzairin cənubunda 1952-ci ildə törədildi. Həmin vaxt 3500 əhalisi olan ərazidə 2500 nəfər qətlə yetirildi. 1961-ci ildə Parisdə 300 əlcəzairli öldürüldü. Fransa ağır silahlardan istifadə edərək bir xalqı soyqırımına məruz qoyub. İndi isə insan hüquqları ilə bağlı dərs verməyə çalışır", - deyə əlavə edib.