Rusiya İrəvanda siyasi iradə olarsa, üçtərəfli sammitə çıxmaq perspektivi ilə Azərbaycan və Ermənistan xarici işlər nazirlərini qəbul etməyə hazırdır.

“İki sahil” xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə deyib.

“Əgər İrəvanda siyasi iradə olarsa, biz əvvəlki kimi tam üçtərəfli sammitə çıxmaq perspektivi ilə Ermənistan və Azərbaycan xarici işlər nazirlərini Rusiya ərazisində qəbul etməyə hazırıq”, - deyə Rusiya XİN sözçüsü vurğulayıb.