Rusiyalı onkoloq Suna İsakova deyir ki, insanın xarakterini qan xüsusiyyətləri ilə əlaqələndirmək cəhdləri qədim filosoflar Hippokrat və Aristotel tərəfindən edilib. O əlavə edib ki, belə bir əlaqənin sübutu hələ öyrənilməyib. Ancaq qan qrupları və xəstəliklərin inkişaf riski arasındakı əlaqəni öyrənmək üçün oxşar cəhdlər indi də edilir.

Mütəxəssis izah edib ki, birinci qan qrupu olanların ürək-damar xəstəliklərinə tutulma riski daha azdır. Eyni zamanda, onlar üçün koronavirus infeksiyasının gedişinə dözmək daha çətindir. İkinci (A) və üçüncü (B) qan qrupları olan insanlar üçün II tip diabetin inkişaf riski daha yüksəkdir. Bundan əlavə, onkoloq əlavə edib ki, ikinci qan qrupu olanlarda mədə xərçəngi riski də artır.

Onkoloq “İzvestiya” qəzetinə müsahibəsində əlavə edib ki, heç bir xəstəliyin inkişafı qan qrupu ilə müəyyən edilmir, burada bütün amillərin birləşməsi vacibdir - pis vərdişlər, fiziki hərəkətsizlik, qidalanma. Bir sıra xəstəliklərin yaranmasında stress və genetik xüsusiyyətlər də olduqca böyük rol oynayır.

Nubar Süleymanova, “İki sahil”