Türkmənistanın paytaxtı Aşqabadda Azərbaycan Respublikası Dövlət Neft Şirkətinin (SOCAR) nümayəndəliyinin ofisi açılıb.

“İki sahil” xəbər verir ki, bu barədə iqtisadiyyat naziri Mikayıl Cabbarov “X” sosial şəbəkəsindəki hesabında yazıb.

“Türkmənistana işgüzar səfərimiz çərçivəsində SOCAR-ın prezidenti Rövşən Nəcəflə birlikdə Aşqabadda SOCAR-ın nümayəndəliyinin ofisinin açılışında iştirak etdik. Bu təşəbbüs şirkətin Türkmənistanda uzunmüddətli fəaliyyətinin möhkəmləndirilməsinə, ölkələrimizin energetika sahəsində ortaq maraqlarının reallaşmasına inamın təzahürüdür”, - deyə M.Cabbarov bildirib.

Türkmənistana işgüzar səfərimiz çərçivəsində #SOCAR-ın (@SOCARofficial) prezidenti Rövşən Nəcəflə (@RovshanNajaf) birlikdə Aşqabadda SOCAR-ın nümayəndəliyinin ofisinin açılışında iştirak etdik. Bu təşəbbüs şirkətin #Türkmənistan-da uzunmüddətli fəaliyyətinin möhkəmləndirilməsinə,… pic.twitter.com/lfDETtjYZg

— Mikayil Jabbarov (@MikayilJabbarov) November 28, 2023