Avstraliyada kenqurular villa sahiblərindən biri üçün acı sürpriz gerçəkləşdirib. Kvinslend ştatındakı həyət evlərindən birinə daxil olan xeyli sayda kenquru  tullana-tullana  ortalığı bir-birinə qatıb.

Qəribə hadisə turistlərdən biri tərəfindən lentə alınıb. Həvəskar kadlarda azı 10 kenqurunun villanın həyətində o baş bu başa qaçdığı, bir müddət sonra evə daxil olmağa çalışdıqları əksini tapır. Bu cüssəli heyvanların villaya hansı səbəbdən daxil olduğu və hansı fəsadlara yol açdığı  məlum deyil.

Qeyd edək ki, ötən il  bir sürü kenquru  öz aqressiv hərəkətləri ilə polisləri hərəkətə keçirmişdi. Qolfçulara hücum edən kenqurular çətinliklə yaşayış məskənlərindən uzaqlaşdırılmışdı.