Ukraynanın Azərbaycandakı səfiri Vladislav Kanevski Ümummilli Lider Heydər Əliyevin xatirəsini yad etməyin özü üçün böyük fəxr olduğunu bildirib.

“İki sahil” xəbər verir ki, Fəxri xiyabanda Ümummilli lider Heydər Əliyevin məzarını ziyarət edən diplomat qeyd edib ki, Heydər Əliyev Ukrayna ilə Azərbaycan arasında əsl dostluğun əsasını qoyub.

“Bu gün ölkələr arasında olan strateji dostluq məhz onun zamanından yaranıb. Xalqlarımız arasında qarşılıqlı sevgi və hörmət var. Ona görə dahi liderin xatirəsini anmaq bizim üçün böyük fəxrdir. Bu, bizim borcumuzdur”, - səfir deyib.