Azərbaycan Respublikasının Efiopiya Federativ Demokratik Respublikasına yeni təyin olunan səfiri Ruslan Nəsibov etimadnaməsinin surətini Efiopiya Xarici İşlər Nazirliyinin Protokol Məsələləri üzrə baş direktoru səfir Melaku Bedada Senbetaya təqdim edib.

Azərbaycanın Efiopiyadakı səfirliyindən "İki sahil"ə verilən xəbərə görə, təqdimatdan sonra aparılan söhbət zamanı ölkələrimiz arasında ikitərəfli və çoxtərəfli formatda həyata keçirilən uğurlu əməkdaşlığın davam etdirilməsi, həmçinin siyasi, iqtisadi-ticari, humanitar və turizm sahələrində əlaqələrin inkişaf perspektivləri müzakirə edilib.