24 fevral 2024 19:43
300

Azərbaycan İƏT-in İstanbulda keçirilən nazirlər konfransının sessiyasında təmsil olunub

Fevralın 24-də İstanbul şəhərində İslam Əməkdaşlıq Təşkilatının (İƏT) İnformasiya Nazirləri Konfransının növbədənkənar sessiyası keçirilib.

“İki sahil” xəbər verir ki, bu barədə Medianın İnkişafı Agentliyi məlumat yayıb.

Bildirilib ki, sessiyada Medianın İnkişafı Agentliyinin İcraçı direktoru Əhməd İsmayılov iştirak edib.

Tədbirdə münaqişə zonalarında jurnalistlərin fəaliyyəti, dezinformasiyaya qarşı kollektiv reaksiyanın əhəmiyyəti istiqamətində müzakirələr aparılıb.