Hər gün qolunuza taxdığınız saatın yalnız vaxtı göstərdiyini düşünürsünüzsə, yanılırsınız. Bu aksesuarda gizlənən bəzi sirli mesajlar var.

Həyata baxışınız

Qolunuzdakı saat yalnız vaxtı bildirən mexaniki cihaz deyil, həm də sizi siz edən bütün şəxsiyyət xüsusiyyətlərinizin qısa xülasəsidir. Saç tərziniz, geyinməyi seçdiyiniz rənglər və ya sizi tamamladığına inandığınız avtomobil nə olursa-olsun, saatınız həyatı qavrayış tərzinizlə birbaşa bağlıdır. Seçiminiz mükəmməl və qənaətbəxş olmalıdır. Saatınız həyatınızın demək olar ki, hər anında sizi ən uzun müddət müşayiət edən və ilk baxışdan sizi ən yaxşı şəkildə təsvir edən aksesuardır.

Estetik dəyərləriniz

İş, ev, küçə... Harada olurlarsa olsunlar, vizual dünyasını öz həyat axınına uyğun formalaşdıra bilən və o dünyanın dizayneri olacaq qədər cəsarətli hər kəs, biləyində gəzdirdiyi saatın bu reallığın davamı olduğunu bilir. Unutmayın ki, seçdiyiniz qol saatı sizi barmaq izi kimi həqiqətən “unikal” edən bu zərif dəyərlərin zirvəsində olacaq. Bu, yalnız unikal estetik dəyərinizlə diqqəti cəlb edə bilər.

Sosial gücünüz

Tarix boyu insan heç vaxt tək yaşayan bir varlıq olmamışdır və bəlkə də onları fərqli edən və seçilən ən dəyərli cəhəti sosial ünsiyyət gücü idi. Tək olmaq, yalnızlığın ortasında heç nə demək deyil, izdihamın içində olmanın bənzərsiz vəziyyətini qoruyub saxlaya bilmək yalnız güclü personajların işidir. Sosial həyatda yeriniz çox vaxt geyindiyiniz metaforik “zireh”lə müəyyənləşir və o zireh mesajınızı cəmiyyətə nə qədər yaxşı çatdırsa, cəmiyyətlə ünsiyyətiniz bir o qədər uğurlu olar. Seçdiyiniz saat bu mesajın ən mühüm daşıyıcısı ola bilər, sadəcə sizi yansıdan düzgün seçim edin.

Xəyal dünyanız

Yaşadığımız yerlər, geyindiyimiz paltarlar, üzərimizdə gəzdirdiyimiz aksessuarlar təkcə indiki vəziyyətimizin ifadəsi deyil, həm də gələcəyə baxan tərəfimizin izlərini daşıyan təxəyyülümüzün əksidir. Həyatınızdakı şəxsi seçimləriniz təkcə keçmişdən bu günə qədər keçdiyiniz uzun yolun xülasəsi olmaqla, həm də gələcəkdə sahiblənə biləcəyiniz yerə dair ipuculardır. Həyatın heç vaxt statistik axın olmadığını və zamanın hər şey kimi onu dəyişdirdiyini bilən hər kəs öz seçimlərində gələcəyin izlərini daşıyır. Məhz bu səbəbdən istifadə etməyi seçdiyiniz saat sizin şəxsiyyət proyeksiyanıza uyğun olmalı və sizin bir parçanız olaraq təsəvvürünüzün sərhədlərini göstərməlidir. Cəmiyyətə indi olduğunuz və gələcəkdə kim olmaq istədiyinizi ən yaxşı şəkildə qolunuzdakı saat söyləyə bilər. Həyatınızı necə yaşamağı seçdiyinizi sizə xəbər verən ən mühüm aksessuarınız zamanın dəyişən gücünü hər an biləyinizdə daşımağa imkan verən saatınızdır.

Orxan Vahidoğlu, “İki sahil”