İsti su ürəyə əlavə yükdür. Bu, ürək-damar sistemi ilə bağlı problemləri olan insanlar tərəfindən mütləq nəzərə alınmalıdır

Hər gün bədəni və saçları isti su və çoxlu sabunla yumaq heç bir fayda vermir.

“İki sahil” “Lenta.ru”ya istinadla xəbər verir ki, bunu rusiyalı endokrinoloq, tibb elmləri doktoru Zöhrə Pavlova bildirib.

Pavlova hər gün isti duş qəbul etməyi dayandırmağa çağırış edib. Onun sözlərinə görə bu, dərinin susuzlaşmasının qarşısını alan qoruyucu maneəni yuyur. İsti su saçlara da zərər verir, çünki onda olan təbii yağları yuyur. Həmçinin, həddindən artıq istilik dərinin qıcıqlanmasına və iltihabına səbəb ola bilər ki, bu da öz növbəsində ekzema və epidermisin kimi xəstəliklərinin kəskinləşməsi riski yaradır.

Həlim qeyd edib ki, isti su ürəyə əlavə yükdür. Bu, ürək-damar sistemi ilə bağlı problemləri olan insanlar tərəfindən nəzərə alınmalıdır. İstilik qan damarlarınızın genişlənməsinə, ürəyin daha çox işləməsinə və qan təzyiqinizin dəyişməsinə səbəb olur. İnsan başgicəllənmə hiss edə və hətta huşunu itirə bilər.

Endokrinoloq onu da qeyd edib ki, isti duş yuxu problemlərinə səbəb ola bilər. Çünki yüksək temperaturlu su orqanizmin təbii soyumasına mane olur.

Pavlova hesab edir ki, qaynar deyil, isti su ilə yuyunmaq lazımdır. Həmçinin, duşda çox qalmamalı, hər dəfə sabun və yuyucu “maçalka”da istifadə etmək lazım deyil. O, tər qoxusu ilə bağlı problemi tez-tez paltar dəyişməklə həll etməyi təklif edib.

“Əlbəttə, şəxsi gigiyena vacibdir, lakin bu, ifrat dərəcədə olmamalıdıı. Gündə bir neçə dəfə mütləq yuyulmalı olan yeganə orqan əllərimizdir"- deyə Pavlova qeyd edib.

Nüsrət Məmmədov, "İki sahil"