Qarın nahiyəsində və yanlarda yığılan piylərdən qurtulmağın çətin olduğunu bilirik. Rusiyalı dietoloq Yuliya Çexonina sizi incə belə və düz qarına yaxınlaşdıracaq beş addımı sadalayıb.

İlk növbədə bədəndən yağ hüceyrələrinin çıxması üçün kifayət qədər maye olmalıdır. Problemi kompleks şəkildə həll etmək lazımdır.

Məşq edin

Qarın əzələləri gündəlik həyatda çox işləmir. Həftədə bir və ya iki dəfə müntəzəm olaraq məşqə başlamaq və sonra onların intensivliyini tədricən artırmaq vacibdir.

Qida

Sağlam boşqab üsulu uyğundur, bunun sayəsində kalori qəbulunu effektiv şəkildə idarə edə bilərsiniz. Dietoloq Çexonina məsləhət görür ki, belə bir boşqabın dörddə birini zülal, dörddə ikisini tərəvəz, meyvə və göyərti, dörddə birini isə nişastalı karbohidratlı yan yeməklər tutmalıdır. Desertləri şirin meyvə və giləmeyvə ilə əvəz etmək lazımdır.

Sağlam yuxu

Normal bədən çəkisini saxlamaq üçün bədəndə gecə hormonları deyilən hormonlar aktivləşdirilir. Onlar yağ yataqlarının parçalanmasında və gələcək gün üçün enerjinin yığılmasında iştirak edirlər.

"Yatmazdan iki-üç saat əvvəl mütləq yemək yeməməlisiniz, çünki istənilən miqdarda qida mədəaltı vəzinin insulin istehsal etməsinə səbəb olur və insulin yaxşı, sağlam yuxuya kömək edən və metabolik prosesləri sürətləndirən melatonin hormonunun sintezinə maneə törədir.

Güclü maddələr mübadiləsi

Güclü maddələr mübadiləsi ilə yağlar və karbohidratlar daha sürətli parçalanır. Maddələr mübadiləsini necə sürətləndirmək olar? Təbii metabolitlər var ki, maddələr mübadiləsinə inteqrasiya edildikdə, onu sürətləndirir. Bunlara, məsələn, qara bibər ekstraktı və təbii kofein daxildir. Onlara təbii yağ yandırıcılar da deyilir.

Mədə-bağırsaq traktının fəaliyyətinin yaxşılaşdırılması

Burada mədə-bağırsaq traktının fəaliyyətini normallaşdıran, bağırsaq hərəkətliliyini yaxşılaşdıran təbii maddələr də kömək edə bilər.

Nubar Süleymanova, “İki sahil”