İnsanlar və heyvanlar arasında canlı ünsiyyət, qucaqlaşma uzunömürlülüyü təşviq edən və qocalmanın qarşısını alan iki əsas amil hesab edilə bilər. "Rossiya" telekanalında yayımlanan "Ən vacibi haqqında" verilişində rusiyalı fizioloq Olqa Şestova heyvanlarla ünsiyyət qurmağın çox faydalı olduğundan danışıb.

Həkim və teleaparıcı Aleksandr Myasnikovun bütün kitablarının redaktoru olmuş biologiya elmləri namizədi Olqa Şestova hər birimizin ömrümüzü necə uzada biləcəyimizlə bağlı fikirlərini bölüşüb. Onun sözlərinə görə, xoş ünsiyyətə daha çox vaxt ayırmalı və qucaqlaşmağın faydalarını unutmamalıyıq. Hər ikisi xoşbəxtlik hormonu olan oksitosinin istehsalına kömək edir.

Fizioloq və uzunömürlülük haqqında kitabların müəllifi qeyd edir ki, heyvanlarla ünsiyyət heç də az fayda vermir. Bundan əlavə, kiçik “dostlarımız” tez-tez sahiblərinə daha çox hərəkət etməyə kömək edirlər ki, bu da özlüyündə faydalıdır.

"Bir-biri ilə ünsiyyət vacib şeydir, lakin heyvanlarla - pişiklərlə, itlərlə ünsiyyət təbii hisslərdir", - deyə ekspert əlavə edib.

Nubar Süleymanova, “İki sahil”