Finlandiya hökuməti Rusiya ilə sərhəd-keçid məntəqələrinin açılmasına icazə verən qanun layihəsini parlamentə təqdim edib.

“İki sahil” RT-yə istinadla xəbər verir ki, bu haqda Finlandiya Daxili İşlər Nazirliyi məlumat yayıb.

Məlumatda qeyd edilir ki, mayın 21-də hökumət parlamentə miqrasiya ilə mübarizə üçün müvəqqəti tədbirlər haqqında qanun layihəsi təqdim edib.

Finlandiyanın baş naziri Petteri Orpo daha əvvəl bildirmişdi ki, ölkə sığınacaq axtaranların ölkədən çıxarılması haqqında qanun qəbul edildikdən sonra Rusiya ilə sərhədi qismən aça bilər.