21 iyun 2024 19:51
270

Şəhid Vüqar Qasımovun anım günündə xatirəsi yad edilib

İyun ayının 20-də Biləsuvar rayonunun Bəydili kəndində I Qarabağ müharibəsi şəhidi Qasımov Vüqar Nadir oğlunun anım günü ilə əlaqədar ata ocağı ziyarət olunub.

“İki sahil” xəbər verir ki, ziyarətdə YAP Biləsuvar rayon təşkilatının sədr müavini Aqşin Qasımov və ictimaiyyət nümayəndələri iştirak ediblər. Ziyarətçilər şəhidimizin keçdiyi döyüş yolundan, göstərdiyi xidmətindən və şücaətindən bəhs edərək yaxınlarına baş sağlığı vermişlər.

Məlumat üçün qeyd edək ki, Azərbaycan Ordusunun əsgəri olmuş Qasımov Vüqar Nadir oğlu 14 yanvar 1974-cü ildə Biləsuvar rayonunun Bəydili kəndində anadan olmuşdur. Biləsuvar rayon Bəydili kənd tam orta məktəbində təhsil almış və 21 may 1992- cü ilin Biləsuvar rayon Hərbi Komisarlığı tərəfindən hərbi xidmətə çağrılmışdır. Azərbaycanın ərazi bütövlüyü uğrunda şücaətlə vuruşmuş və cəbhənin Kəlbəcər rayonu ərazisində düşmənin aramsız hücumlarını dəf edərkən qəhrəmancasına şəhid olmuşdur. 20 iyun 1994-cü ildə Bəydili kənd qəbiristanlığında dəfn olunmuşdur. Ölümündən sonra adı əbədiləşdirilərək Bəydili kəndində yaşadığı küçəyə verilib.

Allah şəhidlərimizə rəhmət eləsin!