Fransanın paytaxtı Parisdə Azərbaycan kulinariyası təqdim olunub.

“İki sahil” xəbər verir ki, tədbir Fransanın aparıcı mühəndis məktəblərindən olan “Ecole des Mines de Paris - PSL”də baş tutub.

Kulinariya tədbirinin keçirilməsində məqsəd müxtəlif ölkənin tələbələri arasında milli mətbəxlər vasitəsilə mədəni irslərini bölüşmək imkanı yaratmaqdır.

Tədbirdə ölkəmizin kulinariya ənənələrini haqqında ətraflı məlumat verilib. Qonaqlar qutab, şəkərbura, paxlava və milli kulinariyadan digər nümunələrlə tanış olublar.