Ukrayna Prezident Aparatının rəhbəri Andrey Yermakın rəhbərlik etdiyi Ukrayna nümayəndə heyəti ABŞ-da yeni seçilmiş prezident Donald Trampın komandası ilə gizli görüş görüşüb.
“İki sahil” xəbər verir ki, “The Wall Street Journal” görüşlə bağlı bəzi detalları öyrənə bilib.
Bildirilir ki, danışıqlarda ABŞ-ın yeni seçilmiş vitse-prezidenti Ceyms Devid Vens, gələcək milli təhlükəsizlik müşaviri Mayk Vals və Ukrayna üzrə gələcək xüsusi elçi Keyt Kelloq iştirak edib. İddia olunur ki, Ukrayna sülhə hazır olduğunu bəyan etməyi planlaşdırır.
Keyt Kelloq Bayden administrasiyası tərəfindən həyata keçirilən silah tədarükünü dəstəkləyib. Onun fikrincə, bu, cənab Trampa Rusiya ilə danışıqlar zamanı təsir rıçaqları verəcək. Bununla belə, seçilmiş prezidentin komandasının Ukraynanın NATO-ya üzvlük təklifinə “az maraq göstərdiyi” deyilir.
Qəzetin mənbələrinə görə, Ukrayna nümayəndə heyəti Rusiya ilə sülhə hazır olduğunu bəyan etmək niyyətindədir, lakin “bu, davamlı sülh olmalıdır”. Kiyevin mövqeyi ilə tanış olan WSJ mənbəsi “Qeyri-sabit, müvəqqəti sülh ABŞ və Ukraynanın maraqlarına cavab vermir” deyib.
Donald Trampın komandası daha əvvəl münaqişənin həlli üçün ən azı üç plan təklif etmişdi. Məsələn, Keyt Kelloqq təklif edir ki, Ukrayna Silahlı Qüvvələrinin ABŞ-ın köməyindən istifadə edərək, Ukrayna və Rusiyanı danışıqları bərpa etməyə məcbur etsinlər. Cəbhə xəttində hərbi əməliyyatların dondurulması və Ukraynanı 10 il ərzində NATO-ya qəbul etməmək öhdəliyi götürməsi gözlənilir.
