Azərbaycanla Türkiyə arasındakı dostluq, qardaşlıq münasibətlərinin dərin mahiyyəti Ümummilli Lider Heydər Əliyevin “Bir millət, iki dövlət”, Türkiyə Cümhuriyətinin qurucusu Mustafa Kamal Atatürkün zamanında söylədiyi “Azərbaycanın sevinci bizim sevincimiz, kədəri bizim kədərimizdir” kəlamlarında dəqiq ifadə olunub. İki qardas xalqın dostluğu tarixin ağır sınaqlarından keçərək indiki ən yüksək səviyyəsinə çatıb.
Azərbaycan ən çətin günlərdə qardaş Türkiyənin yanında olub. 2023-cü il fevralın 6-da qardaş ölkədə baş verən dəhşətli zəlzəłə nəticəsində çoxlu sayda insan tələfatının olması ölkəmizdə böyük hüznlə qarşılandı. Qardaş ölkədən gələn acı xəbər Azərbaycan xalqını və dövlətini dərin kədərə boğdu. Zəlzələ xəbərinin ilk dəqiqələrindən heç bir yardım çağırışını gözləmədən Azərbaycan xalqı və dövləti öz qardaşlıq borcunu yerinə yetirmək üçün bütün imkanlarını səfərbər etdi. Prezident İlham Əliyev 2023-cü il fevralın 6-da Türkiyə Cümhuriyyətinin Prezidenti Rəcəb Tayyib Ərdoğana ünvanladığı başsağlığı məktubunda bildirmişdi: “Kahramanmaraşda baş vermiş və qardaş Türkiyənin bir çox yerlərində hiss edilmiș güclü zəlzələ nəticəsində çoxsaylı insan tələfatı və dağıntılar barədə xəbər bizi olduqca kədərləndirdi. Bu ağır məqamda hər cür yardım göstərməyə hazır olduğumuzu bildiririk”
Dövlətimizin başçısı faciə ilə əlaqədar türk həmkarına, həlak olanların ailələrinə və yaxınlarına, qardaş Türkiyə xalqına şəxsən öz adından və Azərbaycan xalqı adından dərin hüznlə bașsağlığı verib, yaralananlara şəfa diləmişdi.
Azərbaycan Respublikasının Birinci vitse-prezidenti Mehriban xanım Əliyeva fevralın 6-da Türkiyədə baş vermiş zəlzələ ilə əlaqədar rəsmi instaqram səhifəsində paylaşım etmişdi: “Türkiyənin cənub-şərqində baş vermiș güclü zəlzələnin nəticələri barədə xəbərləri dərin kədər hissi ilə qarşıladım. Allah facia zamanı həlak olanlara rəhmət eləsin. Onların doğmalarına və yaxınlarına dərin hüznlə başsağlığı verirəm.
Yaralananların və xəsarət alanların tezliklə șəfa tapmasını arzulayıram. Uca Tanrıdan bütün Türkiyə xalqına güc və səbir diləyirəm!”. Azərbaycan Türkiyənin qarşılaşdığı o çətin günlərdə qardaş köməyinə çatan ilk ölkə oldu. Zəlzələ baş verdikdən sonra keçən bir neçə gün ərzində ölkəmizin başçısının göstərişi ilə gardaş ölkəyə yardım aparan 7 təyyarə və 1 avtomobil karvanı göndərildi. Bu yolla Türkiyəyə 41 nəfəri tibbi heyəti olmaqla FHN-in 725 nəfərlik şəxsi heyəti, xilasetmə avadanlıqları, mobil səhra hospitalı, 4 səhra mətbəxi, xilasetmə işlərində istifadə olunan ləvazimatlar, generatorlar, nasos stansiyaları avtomobillər, həmçinin modul səhra hospitalları, tibbi avadanlıq, dərman preparatları, təxirəsalınmaz yardım vasitələri, çadırlar, yataq dəstləri, habelə zərər çəkmiş əhali üçün humanitar yardım çatdırıldı. Azərbaycanın birinci xanımı, Heydər Əliyev Fondunun prezidenti Mehriban xanım Əliyevanın göstərişinə əsasən, Fond tərəfindən qardas ölkəyə humanitar yardım göstərildi. Bununla əlaqədar faciədən zərərçəkmiş şəxslər üçün müxtəlif dərman preparatları, oksigen maskaları, filtrli sistemlər, sarğı materialları, onurğa taxtaları, ilkin yardım boyunluqları, xərək və s. daxil olmaqla tibbi ləvazimatlar və avadanlıqlar, eləcə də isti geyimlərlə humanitar yardım çatdıracaq Fondun Türkiyəyə ezam edilən əməkdaşları xüsusi təyyarə ilə yola salındı.
Azərbaycan ilk gündən axtarıș-xilasetmə məqsədilə Türkiyəyə 100- dən çox xilasetmə mütəxəssisi göndərdi. Həmin xilasedicilər Kahramanmaraşda və zəlzələdən ziyan görmüş, dağıntılara məruz qalmış ətraf ərazilərdə böyük șücaət, fədakarlıq göstərdilər. Onlar dağıntılar altından 53 nəfəri sağ, 741 nəfərin isə cəsədini çıxardılar. Azərbaycan komandası, həmçinin Kahramanmaraşda 2 səhra xəstəxanası yaratdı. O zaman FHN-in tabeliyində olan xəstəxanalarda 41 həkim və səhiyyə işçisi çalışırdı. Azərbaycan nümayəndə heyətinin tərkibində olan psixoloqlar yerlərdə zəlzələdən zərərçəkənlərə dəstək oldular. Xəstəxanalarda, o cümlədən cərrahiyyə xidməti və laboratoriyada zəlzələdən zərər çəkmiş təxminən 2 500 insana sağlamlıq xidmətləri və psixososial dəstək göstərildi. Pediatrlar zəlzələdən zərərçəkənlərə qulluq etdilər.
Hazırda Kahramanmaraşda Azərbaycan hökumətinin 100 milyon dollar dəyərində maliyyələşdirdiyi “Azərbaycan Məhəlləsi”ndə ișlər demək olar ki, tamamlanmaq üzrədir. Kahramanmaras Bələdiyyəsinin sədri Fırat Görgel mətbuata açıqlmasında bildirib ki, 2023-cü il fevralın 6-da episentri Kahramanmaras olan zəlzələdən sonra dağıntıya məruz qalan bu yaşayıs massivində Azərbaycan və Türkiyə hökumətlərinin birgə fəaliyyəti nəticəsində genis quruculug işləri aparılır: “Heydər Əliyev adına məktəbin sentyabr ayında ölkələrimizin təhsil nazirlərinin iştirakı ilə yüksək səviyyədə açılışı oldu. Beynəlxalq standartlar çərçivəsində qurulan “Azərbaycan Məhəlləsi”nin də açılışının yüķsək səviyyədə olacağını planlaşdırırıq”.
Prezident İlham Əliyev 2025-ci il fevralın 5-da Türkiyə Cümhuriyyətinin Prezidenti Rəcəb Tayyib Ərdoğana ünvanaldığı məktubda bildirib ki, Azərbaycan iki il bundan əvvəl baş vermiş bu dəhșətli faciə ilə bağlı qardaş Türkiyənin dərdini bölüşür, kədərini birlikdə yaşayır: “Azərbaycan hər zaman olduğu kimi bu ağır günlərdə də Türkiyənin yanında yer aldı, zəlzələ xəbərinin ilk dəqiqələrdən bir yumruq kimi bütün səviyyələrdə qardaş Türkiyənin ətrafinda səfərbər oldu, əlindən gələn yardımı və dəstəyi əsirgəmədi. Həmin çətin günlərdə bütün Azərbaycan xalqının ürəyi Türkiyə ilə bir döyünürdü”.
Bu gün güclü və qüdrətli Türkiyə dövlətinin Prezidenti Rəcəb Tayyib Ərdoğanın rəhbərliyi ilə fəlakətin nəticələrinin aradan qaldırılması zərərçəkmiş bölgədə həyatın və iqtisadiyyatın dirçəldilməsi, insanların yeni evlər və iș yerləri ilə təmin olunması istiqamətində genişmiqyaslı quruculuq işləri həyata keçirdiyini vurğulayan Prezident İlham Əliyev qeyd edib: “Qardaşlıq və vəfa borcumuzun bir parçası olaraq Azərbaycanın da öz növbəsində Kahramanmaraş vilayətində aparılan yenidənqurma və bərpa işlərinə töhfə verərək Türkiyənin yanında çiyin- çiyinə olmağından böyük fəxr və qürur hissi duyuruq. “Bir millət, iki dövlət” prinsipi əsasında həm sevincli, həm də kədərli günlərdə bir-birinə dayaq olan ölkələrimiz və xalqlarımız məhz çətin anlarda qarşılıqlı dəstək göstərərək qardaşlığını və həmrəyliyini sübut edirlər. Bu, həmişə belə olub və bu cür də davam edəcəkdir”.
Zahid Rza, “İki sahil”
